راولپنڈی کے تھانہ رتہ امرال میں معمولی جھگڑے پر فائرنگ کرکے دو معصوم بچوں کو قتل کرنے والے سفاک ملزم کو پولیس نے گرفتار کرلیا۔
ایکسپریس نیوز کے مطابق دو معصوم بچوں کے قتل کا افسوس نام واقعے کا مقدمہ 25 مئی کو چک مدد کے رہاہشی محمد طیب نے درج کرایا تھا،جس کے بعد پولیس نے ملزمان کے خلاف کارروائی کرتے ہوئے سفاک ملزم کو گرفتار کرلیا۔
محمد طیب نے مقدمہ درج کراتے ہوئے بتایا کہ عشاء کی نماز کی ادائیگی کے لیے جارھے تھے کہ اچانک کامران شہزاد عرف ڈاکٹر جسکا دن کے وقت پندرہ سالہ سودیس اور حسیب سے معمولی جھگڑا ہوا تھا۔
اہل محلہ نے ڈاکٹر اور دونوں مقتول بچوں کا جھگڑا رفع دفع کرا دیا تھا لیکن شام کے وقت ملزم کامران سامنے آگیا اور بچوں کو دھمکیاں دیکر فائرنگ شروع کردی۔
فائرنگ کی زد میں آکر بچے شدید زخمی ہوئے اور موقع پر ہی دم توڑ گئے جب کہ ملزم جائے وقوعہ سے فرار ہوگیا تھا۔
پولیس نے مقدمہ درج کرلیا اور تفتیش کرتے ہوئے ہیومن انٹلیجنس کی مدد سے ملزم کو گرفتار کرلیا۔
اس حوالے سے ایس ایچ او رتہ امرال زوہیب شاہ کا کہنا تھا کہ ملزم کامران شہزاد عر ف ڈاکٹر چوری و ناجائز اسلحہ کے متعدد مقدمات میں ریکارڈ یافتہ ہے۔
ایس ایس پی انوسٹی گیشن راولپنڈی سید غضنفر علی شاہ کا کہنا تھا کہ سفاک ملزم کی گرفتاری مقتولین کے لواحقین کو انصاف کی فراہمی میں اہم ہے، ملز م کو قرار واقعی سزا دلوانے کے لیے تمام قانونی تقاضے پورے کیے جائیں گے۔
The post راولپنڈی میں معمولی جھگڑے پر معصوم بچوں کو قتل کرنے والا سفاک شخص گرفتار appeared first on ایکسپریس اردو.
کوئی تبصرے نہیں:
ایک تبصرہ شائع کریں