کراچی: سرجانی ٹاؤن میں سڑک پر گھومنے والے فاترالعقل شخص نے راہگیر خاتون کو گیتی کا وار کرکے قتل کردیا۔
پولیس کے مطابق سرجانی ٹاؤن کے علاقے خدا کی بستی عباس گوٹھ میں خاتون گلی سے گزر رہی تھی کہ علاقے میں گھومنے والے ایک مستانے شخص نے نامعلوم وجہ کی بنا پر گیتی کا وار کرکے قتل کردیا اور موقع سے فرار ہوگیا۔
گیتی کے وار سے خاتون ہلاک ہوگئی جس کی لاش پولیس نے ضابطے کی کارروائی کے لیے عباسی شہید اسپتال پہنچائی۔ ایس ایچ او سرجانی ٹاؤن راؤ ناظم نے بتایا کہ مقتولہ کی شناخت 52 سالہ ہمتی زوجہ جیوا کے نام سے کی گئی۔
پولیس ملزم کی گرفتاری کیلئے چھاپے مار رہی ہے جسے جلد گرفتار کرلیا جائے گا، مقتولہ کی لاش ورثا کے حوالے کردی گئی۔
The post کراچی میں سڑکوں پر گھومنے والے پاگل نے راہگیر خاتون کو گیتی کے وار سے قتل کردیا appeared first on ایکسپریس اردو.
کوئی تبصرے نہیں:
ایک تبصرہ شائع کریں