کراچی: پیر آباد فرنٹیئر کالونی میں گھر کے اندر فائرنگ کے واقعہ میں ماں جاں بحق جبکہ بیٹی شدید زخمی ہوگئی۔
پیر آباد فرنٹیئر کالونی فرحانیہ محلہ میں گھر کے اندر نامعلوم ملزم کی فائرنگ کے واقعہ میں ماں جاں بحق جبکہ بیٹی زخمی ہوگئی ، واقعہ کی اطلاع ملتے ہی ایس ایس پی ڈسٹرکٹ ویسٹ عبدالحفیظ بگٹی اور ایس ایچ او پیر آباد شاہد تاج موقع پر پہنچ گئے۔
پولیس نے فوری طور پر مقتولہ کی لاش اور زخمی بیٹی کو عباسی شہید اسپتال منتقل کرایا جبکہ کرائم سین یونٹ کو طلب کر کے شواہد بھی محفوظ کرلیے گئے۔
اس حوالے سے ایس ایس پی ڈسٹرکٹ ویسٹ نے بتایا کہ فائرنگ سے جاں بحق ماں کی شناخت 40 سالہ حبیبہ کے نام سے کی گئی جبکہ اس کی بیٹی 18 سالہ مروہ دختر فضل کو طبی امداد فراہم کی جا رہی ہے۔
انہوں ںے بتایا کہ ابتدائی معلومات کے مطابق مقتولہ خاتون کی شوہر سے کچھ عرصے سے ناراضگی چل رہی تھی اور دونوں ماں بیٹی نے مذکورہ مکان 6 ماہ سے کرایے پر لیا ہوا تھا جبکہ مقتولہ حبیبہ اپنی بیٹی کی رشتہ طے کررہی تھی۔
ایس ایس پی ویسٹ کے مطابق دونوں ماں بیٹی افطاری کے لیے دسترخوان پر بیٹھے تھیں کہ اس دوران ملزم نے گھر میں داخل ہو کر ان پر فائرنگ کر کے ماں کو قتل اور بیٹی کو زخمی کر دیا اور موقع سے فرار ہوگیا۔
ایس ایچ او شاہد تاج نے بتایا کہ مقتولہ مکان کی پہلی منزل پر رہائش پذیر تھی جبکہ نیچے گراؤنڈ فلور پر بھی کرایے دار رہتے ہیں۔
مقتولہ کے شوہر کا کہنا ہے کہ مجھے نہیں معلوم کہ اس کی اہلیہ اور بچے یہاں رہتے تھے جبکہ مقتولہ کا آبائی تعلق خیبر پختونخوا سے تھا، پولیس کو جائے وقوعہ سے 30 بور پستول کا خول ملا ہے۔
پولیس علاقے میں نصب کلوز سرکٹ کیمروں کو تلاش کر کے ان کی فوٹیجز حاصل کرنے کی کوششیں کر رہی ہے اور جلد ہی قتل کا معمہ حل کرلیا جائے گا۔
The post کراچی: رشتے کے تنازع پر فائرنگ سے ماں جاں بحق، بیٹی زخمی appeared first on ایکسپریس اردو.
کوئی تبصرے نہیں:
ایک تبصرہ شائع کریں