بابر اعظم نے ٹی ٹوئنٹی کرکٹ میں تیز ترین 11 ہزار رنز مکمل کر لیے

پاکستان کے سابق کپتان  بابر اعظم ٹی ٹوئنٹی کرکٹ میں تیز ترین 11 ہزار رنز مکمل کر لیے۔ بابر اعظم نے 11 ہزار ٹی ٹوینٹی رنز بنانے کا کارنامہ 298 اننگز میں انجام دیا۔اس سے قبل ویسٹ انڈیز کے جارح مزاج بلے باز کرس گیل نےیہ کارنامہ 314 اننگز میں انجام دیا تھا۔ واضح رہے بابر اعظم اس سے پہلے تیز ترین سات ہزار، نو ہزار اور 10 ہزار رنز بنانے کا ریکارڈ بھی رکھتے ہیں۔ بابر اعظم ٹی ٹوئنٹی میں 11ہزار رنز مکمل کرنے والے دوسرے پاکستانی ہیں جبکہ بین الاقوامی کرکٹ میں گیارہویں کھلاڑی ہیں۔ ان سے قبل کرس گیل، شعیب ملک، کیرون پولارڈ، ایلیکس ہیلز اور ویرات کوہلی ،ڈیوڈ وارنر، جوز بٹلر، روہت شرما، ایرون فنچ اور جیمز وینس بھی اس فہرست میں نام لکھا چکے ہیں۔